Дамдинсүрэн Дансаранович Доржогутапов 1959 оной февралиин 10-да Дээдэ Хэжэнгын Хөөрхэ нютагта түрэhэн. Дээдэ —Хэжэнгын дунда hургуули 1975 ондо дүүргээд, 1976-1980 онуудаар Буряадай гүрэнэй багшанарай дээдэ hургуулида багшын мэргэжэл шудалжа гараа. Тэрэ гэhээр Шэнэ-Хэжэнгын дунда hургуулида ажалай, мүн уран зураг, шугам зурагай багшаар ажаллана.
«Мэдээжэ уран зохёолшоной — Дансаран Доржогутабайн хүбүүн эсэгэтэеэл адли уран үгэдэ ургалаатайгаар, сэдьхэлэй нарин хүбшэргэйгөөр буряад хэлэнэйнгээ сэсэгы дээжэтэй холбоотойгоор энэ дэлхэйдэ түрэhэн», — гэжэ Буряадай арадай поэт Галина Базаржапова Дашеева hанамжалhан байна.
Уг удамайнгаа бэлиг үргэлжэлүүлэн, Дансаран Шагдаровичай хубуун — Россиин эрдэм hуралсаралай хүндэтэ хүдэлмэрилэгшэ Дамдинсурэн Дансаранович Доржигутапов шүлэгүүдые бэшэдэг юм. Багадаа, hургуулиин байхадань, шүлэгүүдынь аймагай «Хэжэнгын зам», «Буряад үнэн» сонинуудта, «Байгал» сэдхүүлдэ толилогдодог байгаа. Тиин "«hолонгын татаса» гэhэн шүлэгүүдэйнь түрүүшын ном 2007 ондо гараhан байна. «Сахилза сагай угалза» (2016) гэhэн ээлжээтэ согсолбори соонь түүхэ, угай заншал, ажабайдалай удха тухай бодомжолhон гүнзэгы бодолой удхатай шүлэгүүд оронхой.
Дамдинсүрэн Доржогутапов бүгэдэ буряадуудай «Алтаргана» нааданда нэгэнтэ бэшэ хабаадаhан, амжалтануудые туйлаhан байха. 2022 ондо «Алтарганын» нааданай буряад уран шүлэгэй мүрысөөндэ илагша боложо тодороо. Мүн тиихэдэ «Буряадай түрүү хүнүүд» конкурсын лауреадай нэрэ зэргэдэ хүртэнхэй.
«Мэдээжэ уран зохёолшоной — Дансаран Доржогутабайн хүбүүн эсэгэтэеэл адли уран үгэдэ ургалаатайгаар, сэдьхэлэй нарин хүбшэргэйгөөр буряад хэлэнэйнгээ сэсэгы дээжэтэй холбоотойгоор энэ дэлхэйдэ түрэhэн», — гэжэ Буряадай арадай поэт Галина Базаржапова Дашеева hанамжалhан байна.
Уг удамайнгаа бэлиг үргэлжэлүүлэн, Дансаран Шагдаровичай хубуун — Россиин эрдэм hуралсаралай хүндэтэ хүдэлмэрилэгшэ Дамдинсурэн Дансаранович Доржигутапов шүлэгүүдые бэшэдэг юм. Багадаа, hургуулиин байхадань, шүлэгүүдынь аймагай «Хэжэнгын зам», «Буряад үнэн» сонинуудта, «Байгал» сэдхүүлдэ толилогдодог байгаа. Тиин "«hолонгын татаса» гэhэн шүлэгүүдэйнь түрүүшын ном 2007 ондо гараhан байна. «Сахилза сагай угалза» (2016) гэhэн ээлжээтэ согсолбори соонь түүхэ, угай заншал, ажабайдалай удха тухай бодомжолhон гүнзэгы бодолой удхатай шүлэгүүд оронхой.
Дамдинсүрэн Доржогутапов бүгэдэ буряадуудай «Алтаргана» нааданда нэгэнтэ бэшэ хабаадаhан, амжалтануудые туйлаhан байха. 2022 ондо «Алтарганын» нааданай буряад уран шүлэгэй мүрысөөндэ илагша боложо тодороо. Мүн тиихэдэ «Буряадай түрүү хүнүүд» конкурсын лауреадай нэрэ зэргэдэ хүртэнхэй.